တနိုင်ငံလုံးပစ်ခတ်တိုက်ခိုက်မှုရပ်စဲရေးသဘောတူစာချုပ် NCA လက်မှတ်ရေးထိုးရန်အတွက် တိုင်းရင်းသား လက်နက်ကိုင်အဖွဲ့အစည်းများကို ခိုင်မာသည့် အာမခံချက်ပေးရန်လိုကြောင်း သျှမ်းတိုင်းရင်းသားများ ဒီမိုကရေစီအဖွဲ့ချုပ် SNLD တွဲဘက်အထွေထွေအတွင်းရေးမှူး -၂ စိုင်းကျော်ညွှန့် ကပြောကြားသည်။

ဖေဖေါ်ဝါရီ ၂၂ ရက်မှ ၂၄ ရက်နေ့ အထိ တနိုင်ငံလုံးပစ်ခတ် တိုက်ခိုက်မှု ရပ်စဲရေးသဘော တူစာချုပ် NCA လက်မှတ်ရေးထိုးထားချင်းမရှိသေးသည့် တိုင်းရင်းသား လက်နက်ကိုင်တပ်ဖွဲ့ ခေါင်းဆောင်များ UWSA ဌာနချုပ် ပန်ဆန်းမြို့တွင် တွေ့ဆုံဆွေးရန်ရောက်ရှိနေချိန် ထိုသို့ပြောကြားခြင်းဖြစ်သည်။


၂၁ ရာစု ပင်လုံ ညီလာခံဖြစ်မြောက်ရေးကော်မတီ အတွင်းရေးမှူး များအဖွဲ့တွင်လည်း ပါဝင်သည့် စိုင်းကျော်ညွှန့်က - "ဗမာမဟုတ်သော တိုင်းရင်းသားလက်နက်ကိုင် တိုင်းရင်းသားနိုင်ငံရေး ပါတီတွေ ဟာ နှစ်ပေါင်းခြောက် ဆယ်ကျော် ခုနှစ်ဆယ် နီးပါးဒီလိုပဲ အစဉ်အဆက်ဖြစ်ခဲ့တဲ့ သံသယတွေရှိခဲ့တယ်။ ဒါကြောင့် တိုင်းရင်းသား လက်နက်ကိုင်တွေကို အာမခံချက်ပေးဖို့လိုတယ်" ဟု ၄င်းကပြောသည်။


ထို့ပြင် NCA လက်မှတ်ရေးထိုးနိုင်ရေးသည် ဆွေးနွေးညှိနှိုင်းမှု အပေါ်တွင်သာမူတည်ပြီး နှစ်ဦးနှစ်ဖက်ယုံကြည်မှု ရရှိရန်လည်းအရေးကြီးသည်ဟု စိုင်းကျော်ညွန့်ကဆက်ပြောသည်။


“အစိုးရဘက်ကလည်း ရှင်းရှင်းလင်းလင်းပြောဖို့လိုတယ်။ UNFC ဘက်ကပြောတဲ့ အချက်တွေမှာ ဒီအချက်မ ရဘူး၊ ဒီအချက်အလက် အဆင်ပြေတယ်။ ဒီအချက်အလက်က ငါးဆယ်ရာခိုင်နှုန်းရမယ် အဲ့လိုဆွေးနွေး ညှိနှိုင်းလို့ ဆွေးနွေးမှုအဆင်ပြေတယ်ဆိုရင် ဆွေးနွေးရင်းကနေမှ တစ်ဦးနဲ့ တစ်ဦး တစ်ဘက်နဲ့တစ်ဘက် ယုံကြည်မှုဆိုတာက ရှိလာမယ်။ ယုံကြည်မှုရှိမှ ရှေ့ဆက်သွားလို့ရမယ်” ဟုပြောသည်။


မွန်အမျိုးသားပါတီ(ဗဟို)ကလည်း အပစ်အခတ်ရပ်စဲရေးအား တပ်မတော်ဖက်မှ စတင်ကြေငြာသင့်ကြောင်း ပါတီ ဒု-ဥက္ကဌ(၂) ဦးနိုင်ငွေသိန်းက ပြောသည်။


“၂၁ ရာစုပင်လုံ ဒုတိယအကြိမ်မှာ နိုင်ငံရေးပါတီအားလုံး၊ လက်နက် ကိုင်အဖွဲ့အစည်းတွေအားလုံး တက်ရောက် နိုင်အောင် တာဝန်ရှိတဲ့သူတွေက ကြိုးစားပြီးဆောင်ရွက်ပေးပါ။ဆုံးဖြတ်ချက် တစ်စုံတစ်ရာချနိုင်ဖို့အတွက် ကြိုးစားပေးပါ။ ငြိမ်းချမ်းရေးကလဲလုပ်နေတယ် ။ စစ်ပွဲကလည်းဖြစ်နေ တုန်းပဲ။ကျွန်တော်တို့ပါတီအနေနဲ့ သံသယဖြစ်စရာအများကြီးရှိပါတယ်။ (ကာကွယ်ရေးဦးစီးချုပ်) မင်းအောင်လှိုင် အနေနဲ့ တိုက်ပွဲတွေကို ရပ်စဲ ကြောင်း ကြေညာပေးပါ။သူတို့ရပ်ရင် သေချာ တယ်။တိုင်းရင်း သားလက်နက်ကိုင်တွေ လည်းတိုက်ပွဲ တွေရပ်မှာပါ” ဟု ၄င်းကပြောသည်။


ကရင် ပါတီတစ်ခုဖြစ်သော ဖလုံစဝေါ် ဒီမိုကရက်တစ်ပါတီ PSDP ကမူ အပစ်အခတ်ရပ်စဲဖို့ကြေငြာခြင်းထက် တွေ့ဆုံညှိနှိုင်းခြင်းကိုအရင်ပြုလုပ်ပါမှ ပိုမိုထိရောက်မည်သည်ဟု သုံးသပ်သည်။ PSDP အတွင်းရေး မှူး စောကြည်လင်းက “ တစ်ဖက်သက်အပစ်ရပ်ဆိုတာ ကြေညာလို့မရဘူး။ တစ်ဘက် အပစ်ရပ်တာနဲ့ ကျန်တာတွေ အပစ်ရပ်မယ် ကျွန်တော်မမြင်ဘူး။ အဓိက တွေ့ဆုံဖို့လိုတယ်။ တွေ့ဆုံပြီးမှ အလျော့အတင်း လုပ်ဖို့လိုတယ်” - ဟုသုံးသပ်ပြောဆိုသည်။


NCA စာချုပ်အရ လက်မှတ်ရေးထိုးပြီး ရက်ပေါင်း ၆၀ အတွင်း နိုင်ငံရေးေ ဆွးနွေးပွဲ မူဘောင်ရေး ဆွဲခြင်း၊ မည်သို့ဆွေးနွေးမည်ကိုသတ်မှတ်ခြင်း များ ပြုလုပ်ရမည်ဖြစ်ပြီး ရက်ပေါင်း ၉၀ အတွင်း နိုင်ငံရေးဆွေးနွေးပွဲများ စတင်ခြင်း၊ ပြည်ထောင်စု ညီလာခံကျင်းပခြင်းစသည်တို့ ကို ပြုလုပ် ရမည်ဖြစ်သည်။ လက်ရှိတွင် တိုင်းရင်းသားလက်နက်ကိုင် ၂၁ ဖွဲ့အနက် NCA လက်မှတ်ရေးထိုးရန် ၁၃ ဖွဲ့ ကျန်ရှိနေပါသေးသည်။