မြောက်ပိုင်း တိုင်းရင်းသား တပ်ဖွဲ့များအနေဖြင့် အစိုးရနှင့် တစ်ဖွဲ့ချင်း မဆွေးနွေးတော့ဟု ၀ အစည်းအဝေးထုတ်ပြန်
မန်မာနိုင်ငံမြောက်ပိုင်းမှ တိုင်းရင်းသား လက်နက်ကိုင်အဖွဲ့ ရ ဖွဲ့ တက်ရောက်နေသည့် ပန်ခမ်း ထိပ်သီးအစည်းအဝေးမှာ ဧပြီလ ၁၉ ရက်နေ့က ပြီးဆုံးသွားပြီဖြစ်ပြီး အစည်းအဝေး တက်ရောက် သူများအနေဖြင့် အစိုးရနှင့် တစ်ဖွဲ့ချင်းစီ ဆွေးနွေးမှုများ ပြုလုပ်တော့မည်မဟုတ်ပဲ ပန်ဆန်း အစည်းအဝေးမှ ဖွဲ့စည်းလိုက်သည့် ကော်မတီဖြင့်သာ ဆွေးနွေးတော့မည်ဟု ကြေငြာချက်ထုတ်ပြန် လိုက်သည်။
Photo Credit to AA |
ဝ ဌာနချုပ်ပန်ဆန်းတွင် ၆ ရက်ကြာကျင်းပခဲ့သည့် အစည်းအဝေးတွင် အဖွဲ့ ၇ ဖွဲ့မှ ကိုယ်စား လှယ် များပါဝင်သည့် နိုင်ငံရေးဆွေးနွေးညှိနှိုင်းရေး ကော်မတီအား ဖွဲ့စည်းခဲ့ပြီး ပန်ခမ်းအစည်းအဝေး တက်ရောက်သူများ၏ မူဝါဒအားလက်ခံသည့် တိုင်းရင်းသား လက်နက်ကိုင်အဖွဲ့များအား အမြဲတံခါး ဖွင့်ထားကြောင်းလည်း ကြေငြာချက်တွင် ဖော်ပြထားသည်။
အစည်းအဝေးတွင် တင်သွင်းခဲ့သည့် စာတမ်းအားလည်း ကျေလည်စွာ ညှိနှိုင်းဆွေးနွေးအတည်ပြုခဲ့ပြီး ယင်းစာတမ်း အစိုးရထံ ပေးပို့သွားမည်ဟုလည်း ဖော်ပြထားသည်။ အိမ်ရှင် ၀ ပြည်သွေးစည်းညီညွတ် ရေး ပါတီ ၊ မိုင်းလား NDAA ၊ KIO ကချင် ၊ SSPP/SSA သျှမ်းပြည်တပ်မတော် ၊ တအာင်းပလောင် TNLA/PSLF ၊ အေအေ ရက္ခိုင်တပ်ဖွဲ့ နှင့် ကိုးကန့် MNDAA စသည့် အဖွဲ့ ၇ ဖွဲ့ တက်ရောက်ခဲ့သည့် ပန်ခမ်းအစည်းအဝေး ဖွင့်ပွဲနေ့တွင် တက်ရောက်လာသည့်အဖွဲ့အစည်းများအကြား ညီညွတ်မှုရှိကြရန် ၀ ခေါင်းဆောင် ပေါက်ယူချန်းက တိုက်တွန်းခဲ့သည်။
သမိုင်းတွင် အမျိုးမျိုးသော နိုင်ငံရေးမဟာမိတ်အဖွဲ့အစည်းများအား တိုင်းရင်းသားလက်နက် ကိုင် အဖွဲ့များမှ ဖွဲ့စည်းခဲ့သော်လည်း တူညီသည့် နိုင်ငံရေးလမ်းညွှန်မှု မရှိခဲ့သောကြောင့် မဟာမိတ် အဖွဲ့အစည်းများသည် အလိုအလျောက် ပျောက်ကွယ်ခဲ့ရသည်ဟု ၀ ခေါင်းဆောင် ပေါက်ယူချန်းက ပြောဆိုခဲ့သည်။
အစည်းအဝေးတွင် အတည်ပြုခဲ့သည့် စာတမ်းပါ အချက်များကို အခြေခံ၍ အစိုးရနှင့် ဆွေးနွေးမှုများ ပြုလုပ်သွားမည်ဟု ၀ တပ်ဖွဲ့နှင့် နီးစပ်သူတစ်ဦးကလည်း ဆိုသည်။
ပန်ခမ်းကြေငြာချက်ယင်းကဲ့သို့ ထုတ်ပြန်ခဲ့သည့်အတွက် အစိုးရမှ တအာင်းပလောင် ၊ အေအေ ရက္ခိုင်တပ်မတော် ၊ ကိုးကန့် တို့အား သုံးဖွဲ့ပေါင်း သီးသန့် ဆွေးနွေးရန် အစီအစဉ်မှာ မရေမရာဖြစ်သွားခဲ့ပြီဖြစ်သည်ဟု မြောက်ပိုင်းအရေး လေ့လာသူများက သုံးသပ်ပြောဆိုသည်။
Tags: News, politic