သက်ဆိုင်ရာ လက်နက်ကိုင်အဖွဲ့အစည်းများအနေဖြင့် ငြိမ်းချမ်းရေးအတွက်ဆွေးနွေးရာတွင် လိုလားမှု များကို အလျော့အတင်းမရှိဘဲ ရာခိုင်နှုန်းပြည့် ဆုပ်ကိုင်ထားမည်ဆိုပါက နှစ်ဦးနှစ်ဘက် ညှိနှိုင်းမှုများ အချိန်ကြန့်ကြာ နိုင်ကြောင်း ပြည်ထောင်စု ငြိမ်းချမ်းရေးဆွေးနွေးမှု ပူးတွဲကော်မတီ ဥက္ကဌ ဦးဇော်ဌေးက ပြောသည်။


ပြည်ထောင်စုငြိမ်းချမ်းရေးညီလာခံ၂၁ ရာစုပင်လုံ (ဒု-ကြိမ်) လေးရက်နေ့မြောက် မနက်ပိုင်း သတင်းစာရှင်း လင်းပွဲတွင် ညီညွတ်သောတိုင်းရင်းသားလူမျိုးများဖက်ဒရယ်ကောင်စီ UNFC ၏ အဆိုပြုချက်များ ကြန့်ကြာ နေရခြင်းကို မေးမြန်းရာတွင် ယင်းသို့ ပြန်လည် ဖြေကြားခဲ့ခြင်းဖြစ် သည်။

“ရာနှုန်းအပြည့်ရမှ လက်ခံမယ်၊ သဘောတူမယ်ဆိုရင် ကျနော်တို့ဟာတွေကနည်းနည်းကြာမယ် ပေါ့။ အဲ့တော့ နှစ်ဘက်လုံးကတော့ ကိုယ်လိုချင်တာ အပြည့်မရနိုင်ဘူး။ နှစ်ဦးနှစ်ဘက် အလျှော့အတင်းတော့ ရှိရမယ်။ ဒါမှလည်း ကျနော်တို့လည်း ဆက်ပြီးတော့ပူးပေါင်း ဆောင်ရွက်လို့ ရမယ် ” - ဟု ဦးဇော်ဌေး ကပြောသည်။


တွေ့ဆုံဆွေးနွေးညှိနှိုင်းမှုတွင် နှစ်ဘက်စလုံး၏ အဓိကစိုးရိမ်ပူပန်မှုမှာ အပစ်ခတ်ရပ်စဲမှုလက်မှတ် ရေးထိုးပြီးနောက် သဘောတူညီမှုများကို ထပ်မံချိုးဖောက်မှုမရှိစေရန်ဟူသောအချက်ဖြစ်ပြီး ထိုအချက်ကို ပို၍ခိုင်မာအောင်လုပ်ဆောင်ကြရန် သဘောတူထားကြသည်။


သို့သော် အဆိုပါ သဘောတူညီမှုကို ရေရှည်ခိုင်မြဲအောင် ထိန်းသိမ်းမည့် နည်းလမ်းပိုင်း နှင့် ပတ်သက်ပြီး ဆွေးနွေးရာတွင် နှစ်ဦးနှစ်ဘက်သဘောထားကွဲလွဲမှုရှိနေသည်ဟု ဦးဇော်ဌေး ကပြောသည်။


UNFC ၏ နိုင်ငံရေးဆိုင်ရာဆွေးနွေးညှိနှိုင်းရေးအဖွဲ့ DPN အဖွဲ့ဝင် ဒေါက်တာနိုင်ရွှေသိန်းက “ကျနော်တို့ တောင်းဆိုချက် ၉ ချက်ကိုလည်း ပြန်လည်သုံးသပ်ထားပါပြီ။ အချို့အချက်တွေ လျှော့ထားတာလည်းရှိပါတယ်။ ဥပမာ တော်လှန်ရေးဆိုတဲ့ အသုံးအနှုန်းကို မသုံးဖို့ဆိုတာ မျိုးတွေလည်း ပါတယ်” ဟု ပြောသည်။


UNFC တောင်းဆိုထားသည့် ချက် ၉ ချက်တွင် တစ်နိုင်ငံလုံးပစ်ခတ်မှုရပ်စဲကြောင်း နှစ်ဖက်ကြေ ညာရေး၊ နိုင်ငံရေးဆွေးနွေးပွဲများတွင် အစိုးရ(အစိုးရ၊ လွှတ်တော်၊ တပ်မတော်)၊ တိုင်းရင်းသား လက်နက်ကိုင် အဖွဲ့ အစည်း၊ နိုင်ငံရေးပါတီများသုံးပွင့်ဆိုင်ဖြစ်ရေး၊ အပစ်ရပ်စောင့်ကြည့်ရေးတွင် နိုင်ငံတကာအသိသက်သေ များပါဝင်ရေး စသည့်အချက်များပါဝင်သည်ဟု သိရသည်။ ယမန်နှစ်က ကျင်းပခဲ့သည့် ပထမအကြိမ်ပြည်ထောင်စုငြိမ်းချမ်းရေးညီလာခံ၂၁ရာစုပင်လုံတွင် UNFC အနေနှင့် တက်ရောက်ပြီး စာတမ်းဖတ်ခွင့်ရှိခဲ့သော် ယခု၂၁ ရာစုပင်လုံ ဒုတိယအကြိမ် အစည်းအဝေးကို အထူးဧည်သည်တော် အနေဖြင့်ဖိတ်ကြားသည့်အတွက် တန်းတူဆွေးနွေးခွင့်မရဟုဆိုကာ တက် ရောက်ခဲ့ခြင်း မရှိပေ။