ကချင်ပြည်နယ် မြစ်ကြီးနားခရိုင် ဝိုင်းမော်မြို့ နှင့် မန္တလေးတိုင်း မိုးကုတ်မြို့နယ် ဘက်တွင် သျှမ်းတိုင်းရင်းသားရေးရာ ဝန်ကြီးအတွက် မဲပေးမည့် မဲဆန္ဒရှင် အချို့ မဲပေးပိုင်ခွင့် မရှိဘူးဟုသိရသည် ။

မြစ်ကြီးနားခရိုင် ဝိုင်းမော်ဘက်တွင် သျှမ်းတိုင်းရင်းသားများ ဒီမိုကရေစီအဖွဲ့ချုပ်မှ သျှမ်း တိုင်းရင်းသားရေးရာဝန်ကြီးနေရာအတွက် ဝင်ရောက်ယှဉ်ပြိုင်သည့် ကိုယ်စားလှယ်လောင်း စိုင်းသိန်းမောင် ၊ မန္တလေးတိုင်းဒေသကြီး မိုးကုတ်မြို့နယ် ဘက်တွင်ယှဉ်ပြိုင်သည့် ဒေါက်တာ စိုင်းနော်ခေး တို့အတွက် မဲပေးရန် ဆန္ဒရှင်များ အခွင့်အရေးဆုံးရှုံးနေ သည့်အတွက် ရွေး ကောက်ပွဲကော်မရှင်ထံ တိုင်တမ်းရန် ကိုယ်စားလှယ်လောင်းများအား ပြောကြားထား သည်ဟု ကျားခေါင်းပါတီ ပြောခွင့်ရ စိုင်းလိတ်က ပြောသည် ။


“ မိုးကုတ်မှာ သျှမ်းတိုင်းရင်းသားရေးရာအတွက်  မဲက ၆၀၀ ပဲ ပေးတယ်တဲ့ ။ နောက်ပြီး အမှတ်စဉ်ပြောတော့ နာမည်ပြောတဲ့ ၊ နာမည်ပြောပြန်တော့လဲ မရှိဘူးလို့ပြောတယ် ။ ဒါက တရားမျှတတဲ့ လုပ်ရပ်မဟုတ်ဘူး ။ ကိုယ်စားလှယ်လောင်း ဒေါက်တာစိုင်းနော်ကို ပြောလိုက်ပြီ အချိန်မှီ ဖြေရှင်းနိုင်ဖို့ ၊ နောက်ပြီး ဝိုင်းမော်ဘက်မှာလဲ တမျိုး ၊ ပြည်နယ် ပြည်သူ့ တွေ မဲပေးလို့ရတယ် ။ တိုင်းရင်းသားရေးရာတော့ မရတော့ဘူးကုန်ပြီ တဲ့ ၆ ယောက် မဲပေးလို့မရဘူး ။ တခြားမဲရုံတွေလဲ စမ်းစစ်သွားမယ် ” - ဟု စိုင်းလိတ်က ပြောသည် ။


တိုင်းရင်းသားရေးရာ ဝန်ကြီးနေရာအတွက် မန္တလေး တိုင်းဒေသကြီးတယောက် နှင့် ကချင်ပြည်နယ် တယောက်သာ ကျားခေါင်းပါတီ အနေဖြင့် ဝင်ရောက်ယှဉ်ပြိုင်သည် ။