“ တောပန်းကလေးများနဲ့ … လှချင်တိုင်း လှနေပါတယ် …. လမ်းကလေးကွေ့ကောက် ရာဘေးတဘက်မှာ အဆင်းအတက်ခရီးဆက်ကာ ဖြတ်ကျော်မြင်ကွင်းရှေ့ မှာ တောင်ပြာ တန်းတွေ ဆီးလို့ကာ ….…..”

လင်းခေးမြို့အဝင်လမ်း

နိုင်ငံကျော် အဆိုတော် စိုင်းထီးဆိုင် ရဲ့သီချင်းကို ကားဆရာကဖွင့်ပေးလိုက် တာနဲ့ တောင်ကြီး ကနေ မနက် ကတည်းကထွက်လာတဲ့ ကျမအဖို့ ပျော်သလိုလို လွမ်းသလိုလို ရင်ခုန်နေသလိုလို တမျိုးတဖုံ ခံစားလိုက် ရတယ် ။

လင်းခေးမြို့အဆင်း တောင်ပေါ်မှလှမ်းမြင်ရပုံ

တကယ်ပါဘဲလမ်းကလေးတွေက ကွေ့ကွေ့ကောက်ကောက်နဲ့ တတောင်တက်တတောင်ဆင်း လွယ်ကူ လှတဲ့ခရီးမဟုတ်ပေမယ့် ပွဲချိန်မို့လားမသိ လမ်းတလျှောက်က ကားတန်းကြီး ဟာ သျှမ်းပြည်အညာ လို့ခေါ်တဲ့ ရွှေလင်းခေးမြို့ကို သွားကြမှာချည်းဖြစ်ပါတယ် ။


ဟုတ်ပါတယ် ။ .. သျှမ်းပြည်နယ်လုံးဆိုင်ရာ မူလမင်းကွန်း ကမ္မဋ္ဌာန်းတိုက် ဂိုဏ်းချုပ်ကြီး ရဲ့ နှစ် ၅၀ ပြည့် မဟာသတိပဋ္ဌာန် ညီလာခံပွဲသွားဖို့သံဃာတော်တွေရော ဒကာ ဒကာမတွေပါ ခရီးထွက်ကြတာ ဖြစ်ပါတယ် ။


တမူးရှိလို့ တပဲလှူဆိုတဲ့ အတိုင်း ရှိသမျှ စုဆောင်းထားတဲ့ ငွေလေးတွေနဲ့ အလှူ အဒါန်းပြုဖို့ သျှမ်းပြည် အနယ်နယ်အရပ်ရပ်က စေတနာရှင်လူထုကကော အိမ်ရှင်ဖြစ်တဲ့ လင်းခေးမြို့ခံ လူထုတွေကပါ ဒီပွဲအတွက် ကိုယ်စီကိုယ်ငှ စိတ်လှုပ်ရှားနေကြပါတယ် ။


ပျော်ပွဲရွှင်ပွဲကြီးမို့လို့ စိတ်လှုပ်ရှားကြတာမဟုတ်ပါဘူး ။ သံသရာကနေလွတ်မြောက်ဖို့ ဗုဒ္ဓမြတ်စွာ ဘုရားရဲ့ မိဇ္ဈိမ လမ်းစဉ်တရား ကျင့်ကြံအားထုတ်တဲ့ လောကီသားတွေ ကို စေတနာအပြည့်အလျှံနဲ့ ထောက်ပံ့မှုပေးဖို့ ကမ္မဌာန်းလမ်းစဉ်ကျင့်သုံးတဲ့ လူထုရဲ့ သဒ္ဓါတရား ရင်ထဲမှာအပြည့်ရှိကြလို့ဘဲဖြစ်ပါ တယ် ။

နှစ် ၅၀ ပြည့်ရွှေရတု လင်းခေးမြို့ သထုံမူလမင်းကွန်း သာသနာ့မာ န်အောင်ကမ္မဌာန်းတိုက်က ညီလာခံပွဲတော်

လင်းခေးမြို့ကလေးဟာ တရားရိပ်မြို့တော် လို့ တင်စားလောက်တဲ့ ဗုဒ္ဓအဆုံးအမကျင့်စဉ် သထုံမူလ မင်းကွန်း စတင်ပျံ့ပွားရာ မြို့လေးဖြစ်ပါတယ် ။


အဲဒီမြို့လေးဟာ ပင်လယ်ရေမျက်နှာပြင်အထက် ၉၉၆ ပေသာ ရှိပြီး သျှမ်းပြည်အညာ လို့ လူသိများတဲ့ အဆိုတော် စိုင်းထီးဆိုင်မွေးရပ်မြေ လည်းဖြစ်ပါတယ် ။ တောင်ကြီးမြို့တော် ကနေ အရှေ့တောင်ဘက် မိုင်ပေါင်း ၁၂၀ ကျော်ကျော်လောက်မှာ တည်ရှိပါတယ် ။


သျှမ်းပြည်ထဲမှာ အပူဆုံးမြို့တမြို့ဖြစ်သလို သဘာဝ အလှတရားတွေနဲ့လည်းပြည့်နှက်နေ တာမို့ သဘာဝကိုခံစားတတ်တဲ့သူတွေအတွက် အရာရာ ဟာ လှပနေပါတယ် ။

လင်းခေးမြို့ နမ့်အွန်ကျေးရွာက သဘာဝ တောအုပ်

" လင်းခေးမြို့မှာ ကျွန်း ၊ ပျဉ်းကတိုး ၊ အင်ကြင်း ၊ ပိတောက် ၊ ထနောင်း ၊ ဇီးပင် ၊ မန်ကျည်းပင် နှင့် တမာပင် စတဲ့အပင် တွေထွက်ပြီး ခြံလုပ်ငန်းမှာလည်း ကြံပင်  ၊ အုန်းပင် ၊ ကွမ်းသီးပင် ၊ ကွမ်းရွက်ပင် ၊ ဆေးရွက်ကြီး ၊ ရှားဆေးပင် စတဲ့အပင်တွေပေါ့ ။ အပူပိုင်း ဒေသထွက် အပင်တွေ လင်းခေးမြို့မှာ ထွက်ပါတယ် ။ ဒါကြောင့် အညာက လူတွေခေါ်တာ သျှမ်းပြည်အညာတဲ့ " - လင်းခေးမြို့ မဟာဝိဟာရ ပရိယတ္တိ စာသင်တိုက် အရှင်ဝိမလဘိပါလ က မိန့်တော်မူပါတယ် ။

ဗာဂျီးနီးယားဆေးရွက်ကြီးစိုက်ခင်းနှင့် မြို့အရှေ့ဘက်တောင်တန်းကြီးအလှ

လင်းခေးမြို့သမိုင်းဖြစ်တည်ရာကတော့ - ဆရာတော်အရှင်ဝိစိတ္တသာရ က - " စော်ဘွားခေတ် တုန်းကပေါ့ လင်းခေးဆိုတာက မြို့မဟုတ်ဘူး ။ တကယ့်တောကြီး ဘဲ ။ မောက်မယ်မြို့ နယ် အောက်က နယ်တခုဘဲလေ ။ ပြီးတော့ ကျားတွေက အရမ်း ဆိုးတယ် ။ ခရီးသွားကုန်သည်တွေ သွား သွားလာလာကုန်ကူးတဲ့လမ်း ။ ခရီးတထောက်နား တဲ့နေရာဘဲလေ ။ ဒါကြောင့် သူတို့က ကျားကိုကြောက် ပြီးမြေပေါ်မှာ မနားရဲဘူး ။ သစ်ပင်ေ ပ်ါမှာ လင့်စင်ထိုးပြီးအိပ်တယ်။ လင့်စင်တခုကနေ တခုသွားဖို့ကြ တော့ ကြိုးတံတားလေး နဲ့ ဆက်ထားကြတယ် ။ အဲလိုနဲ့ လင့်စင်တွေကို ကြိုးလေးနဲ့ တခုပြီးတခု သွယ်တန်းထားတာ အရှည်ကြီးဖြစ် သွားတယ် ။ အဲတာကြောင့် လန်းခေးလို့ ခေါ်တာပေါ့ ။ " မြွတ်ကြားတော်မူ ပါတယ် ။

ဗာဂျီးနီးယားဆေးရွက်ကြီးများကိုအခြောက်လှမ်းထားပုံ

( မှတ်ချက် - လင့်စင်ကိုသျှမ်းလို လန်း လို့ခေါ်ပြီး လန်းတခုနဲ့တခု ဆက်ထားတာ ရှည်သွားတာ ကို ခေးလို့ ခေါ် ပါ တယ် ။ သျှမ်းလို လန်းခေး ဆိုတဲ့နာမည်ကို ကိုရွှေဗမာ တို့က ဗမာမှုပြု လိုက်တော့ လင်းခေးဆိုတာ ဖြစ်သွားတယ်လို့ - လင်းခေး ရပ်မိရပ်ဖတွေ က ပြောပြပါတယ် ။)


မပြောမဖြစ်တဲ့ လင်းခေးမြို့ရဲ့ အထင်ကရလေးနောက်တခုကတော့ အစိုးရ အထက်တန်းေ ကျာင်းနားက လင်းခေး ဗာဂျီးနီးယား ဆေးပေါင်းရုံကြီးပါ ။ ဆေးပေါင်းရုံကြီးကလဲ လင်းခေး မြို့ ရဲ့ သဘာဝကို ထင်ဟပ် စေတာ မှန်ပေမယ့် နိုင်ငံ့စီးပွားရေး အရ ၀မ်းရေးခက်ခဲလာလို့ ဗာဂျီးနီးယားဆေးရွက်ကြီး အောင်မြင်မှု သိပ်မရှိလှတော့ပါဘူး ။ စိုက်ပျိုးမှု နည်းပါးလာတယ် လို့ ဒေသခံတွေက ပြောပါတယ် ။

ဗာဂျီးနီးယားဆေးပေါင်းရုံ

လင်းခေးမြို့အဝင် တောင်အဆင်းမှာ မြို့အရှေ့ဘက်ကအင်မတန်မြင့်မားတဲ့ လွယ်လုံ ၊ လွယ်စလေ တောင်ချွန်းကြီး နဲ့ အတူ မြို့နဲ့ကပ်ပြီးစီးဆင်းနေတဲ့ နမ့်တိန်းချောင်းရေကြည်ေ ကြာင့် သဘာဝအလှဟာ စိမ်းလန်းစိုပြေ သာယာနေပါတယ် ။

လင်းခေးမြို့အဝင်

ဟုတ်ပါတယ်။ လင်းခေးမြို့နေ ဒေသခံတွေဟာ တိန်းချောင်းရေကို အဓိက မှီခိုအားထားကြ ပါတယ် ။ စိုက်ပျိုး ရေးအပြင် မွေးမြူရေးနဲ့ သောက်သုံးရေ အဖြစ်လဲ အသုံးပြုပါတယ် ။


အသက် ရဝ အရွယ် အဖွား မယ့်ထောက်ခမ်းက ဘယ်မြို့ ဘယ်နေရာ ဘဲရောက်ရောက် နမ့်တိန်းချောင်းရေ အရသာကို ဘယ်ရေမှ လိုက်မမှီနိုင်ဘူးလို့ဆိုပါတယ် ။


နမ့်တိန်းချောင်းရေရဲ့အရသာဟာ ချိုမြိန်လွန်းလို့ မသောက်ရမနေနိုင် ။ တချို့တွေဆိုရင် တခြားမြို့ကို ဘုရားဖူး ၊ ခရီးထူး သွားတာတောင်မှ တိန်းချောင်းရေကို ဗူးလေးထဲထည့် နဲ့ သယ်ယူသွားကြတယ်လို့ ပြုံးပြုံးလေးနဲ့ ပြောပြပါတယ် ။


ထူးခြားချက်လေးနောက်တခုက တော့ လင်းခေးမြို့လေးရဲ့ တင်္ကေတ လို့ ပြောရင်လဲ မှားမယ်မထင်ပါ ဘူး ။ ဒေသခံတွေက တိန်းချောင်းရေကို ရေရဟတ် နဲ့ သယ်ယူပြီး လယ်ယာ စိုက်ခင်းထဲ သဘာဝနည်းနဲ့ ခပ်ထည့် တဲ့ လက်လုပ်ယန္တယားလေးဘဲဖြစ်ပါတယ် ။ ဒါ့ကြောင့် လင်းခေးသူ လင်းခေးသား တွေအတွက် တိန်းချောင်း ဟာ သူတို့ရဲ့အသက်သွေးကြော လို့ ပြောရင်လဲ မှားမယ်မထင်ပါ ။

နမ့်တိန်းချောင်းအလှ

" လင်းခေးဒေသခံတွေက နမ့်တိန်းချောင်းကိုဘဲ မှီခိုတာပေါ့ ။ နမ့်တိန်းချောင်းမရှိရင် မဖြစ်ဘူး ။ စိုက်ပျိုး ရေးပိုင်း မှာဆိုရင်လည်း ဒီတိန်းချောင်းရေကိုဘဲ အားကိုးရတယ် ။ သောက် သုံးရေအတွက်ရောပေါ့ ။ နမ့်တိန်းချောင်း မရှိရင် လင်းခေးကမြို့အဆင့်တောင် မဖြစ်နိုင်လောက် ဘူး ။ ရွာ လောက်ဘဲဖြစ်မှာ " လို့ လင်းခေးမြို့ သျှမ်းပြည်နယ်လုံးဆိုင်ရာ မူလမင်းကွန်း ကမ္မန်းဋ္ဌာန်းအဖွဲ့များရဲ့ ဥက္ကဌ ဆရာတော်ကြီး အရှင်ဝိစိတ္တသာရ က မိန့်ကြားတော်မူပါတယ် ။


ဒါပေမယ့် တဖက်ကလည်း ပူအိုက်တဲ့ရာသီရှိလို့ မီးဘေး အချိန်မရွေး ကြုံနိုင်တာကြောင့် လင်းခေးမြို့ ခံတွေဟာ အဝီစိတွင်းတွေကိုယ်စီလည်း တူးထားကြပါတယ် ။ မှန်ပါတယ် .. မီးဘေးရှောင် မလောင်ခင်တား .. ကြိုတင်သတိ ဝိရိယထား မှားသည်မရှိ .. ပေါ့နော် ။

ရေရဟတ်ဖြင့် လယ်ရေသွင်းနေစဉ်

အဲဒီအဝီစိတွင်းရေကိုတော့ သောက်ရေအဖြစ် အသုံးပြုသူ နည်းပါတယ် ။


လင်းခေးသူလင်းခေးသား တွေဟာ အပူချိန်ကိုအန်တုပြီး ၀မ်းရေးအတွက် ရုန်းကန်ရာမှာ ကြည်လင်အေးမြတဲ့ တိန်းချောင်းရေဟာ သူတို့ဘဝရဲ့ အမောပြေလေးပါဘဲ ။


ဒါတင်ဘဲလား … မဟုတ်ပါဘူး ။ လင်းခေးမှာ ဘယ်ပန်းချီရေးလို့မမှီတဲ့ သဘာဝအလှတရားတခု ရှိပါသေး တယ် ။


" အိမ်မှာ ရေတွင်းတော့ရှိတယ် ။ မချိုးချင်ဘူး ။ တိန်းချောင်းရေကိုဘဲ ဆင်းချိုးချင်တယ် ။ အိမ်ကရေတွေ သောက်လို့ မချိုဘူး ။ မအေးဘူး ။ အန်တီတို့ နမ့်တိန်းရေကို ဘဲ သောက် တယ် " လို့ ဒေသခံ ပါအိမ် ကပြောပါတယ် ။

နမ့်တိန်းချောင်းသို့ ဒေသခံများ ရေဆင်းချိုး

ညနေပိုင်း နေဝင် ဆည်းဆာ ချိန်ဟာ လင်းခေးမြို့ရဲ့ အလှဆုံးအချိန်လို့ဆိုရပါမယ်။ နမ့်တိန်းချောင်းဘေး မှာ ပွဲလမ်းသဘင်အလားပါဘဲ ။ ဒေသခံတွေ ရေဆင်းချိုးကြ တယ် ။ ရေကူးကြတယ် ။ အဝတ်တွေဘာ တွေလျှော် ။ ရေတွေခပ်ပေါ့ ။ ကလေး ၊ လူကြီး ကအစ လှပျိုဖြူလေးတွေနဲ့ ကမ်းနံဘေးမှာ စည်ကား နေတာ ဟာဖြင့် ပန်းမျိုးစုံပွင့် လန်းနေတဲ့ ဥယျာဉ်ထဲမှာ ကျေးငှက်သာရကာစုံက တေးသီ နေတဲ့ အလား ပျော်ရွှင်ဖွယ်ခံစား ရပါတယ် ။

နွားလှည်းဖြင့် ရေဆင်းခပ်ကြပုံ

အဝတ်လျှော်တဲ့လူကလျှော် ၊ ရေပုံးလေးနဲ့ ရေဆင်းခပ်တဲ့လူကခပ် ၊ ကားတွေ ထော် လာဂျီတွေ ၊ နွားလှည်း တွေနဲ့ ရေခပ်ဆင်းတဲ့ ပုံရိပ်လေးက ဇာတိမြေနဲ့ဝေးကွာသူအဖို့ လွမ်းမောဖွယ်ရာ ပုံရိပ်လေး ပါဘဲ ။
အလှအပရော အသုံးချမှုအတွက်ရော စွယ်စုံရတဲ့ ရွှေလင်းခေးက တိန်းချောင်းရေလေးပါ တကား…… ။

နမ့်တိန်းချောင်းအလှ

စာရေးသူအနေနဲ့ နောက်တခု စိုးရိမ်မိတာက လင်းခေးရဲ့ အလှအပ ၊ ဒေသခံတွေရဲ့ အသက်သွေးကြော တွေကို ငွေရှင်ကြေးရှင် တွေက နေ့စဉ်ရက်ဆက်အဆိပ်ခတ်နေတာပါဘဲ။ ဘာအဆိပ်လဲ ။ ဘယ်လိုခတ် တာ လဲ - ဆိုတာ လင်းခေးမြို့ခံတချို့တွေတောင် သိဦးမှာ မဟုတ်ပါဘူး ။ နမ့်တိန်းချောင်း ဖြစ်တည်ရာ မိုင်းကိုင်မြို့ နယ်မှာ ကျောက်မီးသွေး တူးဖေါ် ဖို့ပြင်ဆင်နေသလို - လဲချား နဲ့ နမ့်စန် မြို့ နယ်မှာ နမ့်တိန်းချောင်းဘေး မှာတင် ကျောက် မီးသွေး နဲ့ တခြားသတ္တုတွေတူးဖေါ်နေတာရှိပါတယ် ။ အဲဒီ့ကနေ ထွက်ရှိတဲ့ မြေစာတွေ ၊ အညစ်အကြေးတွေ ဓါတုရေတွေ တိန်းချောင်းထဲကို နေ့စဉ် စွန့်ပစ်နေလို့ပါဘဲ ။ အဲတာကို ဘယ်လိုကာကွယ်ကြမလဲ ။ လင်းခေးမြို့ခံတွေနဲ့ နမ့်တိန်းချောင်းဘေးမှာ မှီခိုနေထိုင်ကြတဲ့ လူထုတွေ ဒီဘေးကနေလွတ်အောင် ဘယ်လိုလုပ်ကြမလဲ ။


လင်းခေး ပွဲတော်ကအပြန် ဒီအကြောင်းအချက်ဟာဖြင့် စာရေးသူကို စိတ်မကောင်းဖြစ်စေ မိတာအမှန်ပါ ။


သျှမ်းပြည်တောင်ပိုင်း လင်းခေးမြို့ရဲ့ အလှကို စုပေါင်းကာကွယ်ဖို့ အမှိုက်သရိုက်ကို စည်းစနစ်နဲ့ စွန့်ပစ်ကြပါ ၊ တိန်းချောင်းဘေးက သဘာဝ တောရိုင်းသစ်ပင်တွေကို ဝိုင်းဝန်းထိန်းသိမ်းပေးကြပါလို့ တိုက်တွန်းလိုက်ရပါ တယ်ရှင် ……