လက်ရှိလွှတ်တော်သည် နိုင်ငံရေးအရ ပြည်သူအားကိုယ်စားပြုမှု အားနည်းသည့် လွှတ်တော်ဖြစ် နေသဖြင့် ဒီမိုကရေစီနှင့် တိုင်းရင်းသား အင်အားစုကိုယ်စားလှယ်များ လွှမ်းမိုးနိုင်သည့် လွှတ်တော်ဖြစ်မှသာ ဖွဲ့စည်းပုံ ပြင်ဆင်ရေး အပါဝင် ပြုပြင်ပြောင်းလဲရေး လုပ်ငန်းစဉ်များ အောင်မြင်နိုင်မည် ဖြစ်ကြောင်း ၈၈ မျိုးဆက် ငြိမ်းချမ်းရေးနှင့် ပွင့်လင်းလူ့အဖွဲ့စည်း ခေါင်းဆောင်  ဦးကိုကိုကြီးက ပြောသည်။

၈၈ မျိုးဆက် ငြိမ်း/ပွင့်လင်း ခေါင်းဆောင်  ဦးကိုကိုကြီး

‘ လွှတ်တော်က နိုင်ငံရေးအရ ကိုယ်စားပြုမှု အားကောင်းတဲ့ လွှတ်တော်ဆိုရင် ပြည်သူတွေရဲ့ သဘောဆန္ဒတွေကို အလေးထားပြီး ဆုံးဖြတ်နိုင်တယ်။ ဒီလွှတ်တော်က နိုင်ငံရေး ကိုယ်စားပြုမှု အားနည်းတဲ့အတွက်ကြောင့်မို့လို့ ဖွဲ့စည်းပုံ ပြင်ဆင်ရေးလို ကိစ္စတွေအပါဝင် ပြည်သူတွေရဲ့ ဆန္ဒတွေကို ဆန့်ကျင်ပြီးတဲ့ ဆုံးဖြတ်ချက်တွေ တော်တေ်ာများများ ကျလာတာ ကျန်တော်တို့တွေ့နေရတယ်။ ပြည်သူတွေက ဖြစ်စေချင်တဲ့ ဥပဒေတွေဆိုရင်လည်း လွှတ်တော်မှာ ကန့်ကွက်ခံရတာတွေ မကြာခဏဖြစ်တယ်။ ဒါကြောင့်မို့လို့ ကျန်တော်က ဒီဖွဲ့စည်းပုံပြင်ဆင်ရေးကို လွှတ်တော် နိုင်ငံရေးက တဆင့်ဆောင်ရွက်မယ်ဆိုရင် လွှတ်တော်မှာ ကျန်တော်တို့ ဒီမိုကရေစီအင်အားစုတွေ တိုင်းရင်းသား အင်အားစုတွေ များများလွှမ်းမိုးတဲ့ လွှတ်တော်ဖြစ်မှ ဒီပြုပြင်ပြောင်းလဲရေးကို ဆက်လုပ်နိုင်မယ်လို့ ကျန်တော်က မြင်တယ်။’ ဟု ၈၈ မျိုးဆက်ခေါင်းဆောင်က ဂျွန်လ ၂၆ ရက်နေ့က ရန်ကုန်မြို့ နိုဗိုတယ်ဟိုတယ်တွင် ပြုလုပ်ခဲ့သည့် နိုင်ငံရေးပါတီများနှင့် ကိုယ်စားလှယ်လောင်းများဆိုင်ကျင့်ဝတ် လက်မှတ်ရေးထိုးခြင်း အခမ်းအနားအပြီးတွင် သတင်းမီဒီယာများကို ပြောဆိုသည်။

ဖွဲ့စည်းပုံ အခြေခံဥပဒေတွင် ပါရှိသည့် ဖွဲ့စည်းပုံ အခြေခံ ဥပဒေ ပြင်ဆင်ခြင်း ပုဒ်မ ၄၃၆ ပြင်ဆင် ရန် အတွက် NLD ၊ ၈၈ မျိုးဆက်နှင့် တိုင်းရင်းသားအင်အားစုများ ပူးပေါင်းပြီး တိုင်းရင်းသား ပြည်သူများထံမှ ဆန္ဒခံယူမှု ပြုလုပ်ခဲ့ရာ ပြင်ဆင်ရေး ထောက်ခံသည့် လက်မှတ် ၅ သန်းကျော် ရရှိခဲ့ သော်လည်း အဆိုပါပုဒ်မအား ပြင်ဆင်ရန်အတွက် လွှတ်တော်တွင် ဂျွန်လ ၂၅ ရက်နေ့က လွှတ်တော် တွင် မဲခွဲဆုံးဖြတ်ခဲ့ရာ ပြင်ဆင်ရေးအဆိုမှာ ရှုံးနိမ့်ခဲ့ရသည်။
ယင်းသို့ရှုံးနိမ့်ခဲ့သဖြင့် မြန်မာ့နိုင်ငံရေးအခြေနေမှာ အတိုက်ခံနှင့် တိုင်းရင်းသားအင်အားစုများအကြား ပိုမို ကျောချင်းကပ်ရန် လိုအပ်လာခဲ့ပြီဟု နိုင်ငံရေး လေ့လာသူများအကြား သုံးသပ်မှုများ ရှိလာခဲ့ သည်။

မြန်မာနိုင်ငံတွင် အဓိက ဖြစ်ပွားနေသည့် နိုင်ငံရေးပြသနာနှစ်ရပ်ဖြစ်သည့် တိုင်းရင်းသား အင်အားစု များ အကြား တန်းတူအရေး ကိုယ်ပိုင်ပြဌာန်းခွင့် ပြသနာ နှင့် ၁၉၆၂ ခုနစ်မှ စတင်ခဲ့သည့် ဒီမိုကရေစီ ဆိတ်သုဉ်းမှု ပြသနာများမှာ ဖွဲ့စည်းပုံ အခြေခံ ဥပဒေဆိုင်ရာ ပြသနာရပ်များဖြစ်သဖြင့် အတိုက်ခံနှင့်  တိုင်းရင်းသားများအကြား ၊ ညီညွတ်ရေးမှာ မဖြစ်မနေ တည်ဆောက်သွားရမည် ဖြစ်ကြောင့် လေ့လာသူများက သုံးသပ်ထားသည်။

မြန်မာ့နိုင်ငံရေးတွင်  ဦးဆောင်သူအဖြစ် ရှိနေသည့် ဒေါ်အောင်ဆန်းစုကြည်မှာ ၂၀၁၂ ကြားဖြတ် ရွေးကောက်ပွဲဝင်ခဲ့ရာတွင် ဖွဲ့စည်းပုံပြင်ဆင်မည် ဟုကြွေးကြော်ပြီးဝင်ရောက်ခဲ့ခြင်း ဖြစ်ပြီး ပုဒ်မ ၄၃၆ အပါအဝင် ပြင်ဆင်ရေးအဆိုများ ရှုံးနိမ့်ခဲ့သော်လည်း ယင်းအဖြေမှာ ၂၀၁၅ ရွေးကောက်ပွဲဝင်ရေး မဝင်ရေးနှင့် မသက်ဆိုင်ကြောင်းလည်း ဂျွန်လ ၂၅ ရက်နေ့က နေပြည်တော်တွင် ပြုလုပ်သည့် သတင်းစာရှင်းလင်းပွဲတွင် ဒေါ်အောင်ဆန်းစုကြည်က ပြောဆိုထားသည်။

NLDသာရွေးကောက်ပွဲဝင်မည်ဆိုပါက အနိမ့်ဆုံး အတိုက်အခံ တိုင်းရင်းသားပါတီများနှင့် မဟာမိတ်ဖွဲ့၍ အနာဂတ် မြန်မာ့နိုင်ငံရေးအတွက် မဟာဗျူဟာတကျ ချဉ်းကပ်ဆောင်ရွက်ရန် လိုနေကြောင်း မြန်မာ့နိုင်ငံရေး လေ့လာသူ ဒေါက်တာရန်မျိုးသိမ်းက သုံးသပ်ပြောဆိုသည်။

NLD ပါတီအနေဖြင့် လာမည့် ရွေးကောက်ပွဲတွင် တနိုင်ငံလုံးအတိုင်းအတာဖြင့် ယှာဉ်ပြိုင်သွားမည် ဖြစ်ပြီး တိုင်းရင်းသားရေးရာဝန်ကြီး ၂၉ နေရာကိုပါ ပါဝင်ယှဉ်ပြိုင်သွားမည်ဟု ယခင်က ထုတ်ဖော်ပြောဆိုထားခဲ့ဖူးသည်။ ထိုထက်မက  တိုင်းရင်းသားဒေသအနှံ့တွင်ပါ ၀င်ရောက်ယှဉ်ပြိုင်ဖွယ်ရှိနေသဖြင့် ဒီမိုကရက်တစ်နှင့် တိုင်းရင်းသား အင်အားစုအားကောင်းရေးမူကို သွေဖီသည်ဟုဆိုကာ နိုင်ငံရေးလေ့လာသူများနှင့် ဒီမိုကရက်တစ် အင်အားစုအချို့မှ ဝေဖန်မှုများရှိခဲ့သည်။

NLD ပါတီနှင့် ယခင်က မဟာမိတ်ဖြစ်ခဲ့သည့် သျှမ်းတိုင်းရင်းသားများ ဒီမိုကရေစီအဖွဲ့ချုပ်မှ ဥက္ကဌ ဦးခွန်ထွန်းဦးကမူ ယခုကဲ့သို့ ဖွဲ့စည်းပုံ အခြေခံ ဥပဒေပြင်ဆင်ရေးအတွက် အကျပ်ဆိုက်လာ ချိန်တွင် ဒေါ်အောင်ဆန်းစုကြည်အနေဖြင့် အနာဂတ်ကို မည်သို့ ပြင်ဆင်မည် မည်သူနှင့် မဟာမိတ်ဖွဲ့မည်ဆိုသည်မှာ ဒေါ်အောင်ဆန်းစုကြည်၏ ဆုံးဖြတ်ချက်အပေါ်တွင်သာ မူတည်ကြောင်း BBC မြန်မာပိုင်းနှင့် တွေ့ဆုံမေးမြန်းမှုတွင် ပြောကြားခဲ့သည်။