သျှမ်းပြည်တောင်ပိုင်း လွယ်လင်ခရိုင် မိုင်းကိုင်မြို့နယ် အတွင်း နေ တအာင်း(ပလောင်) အမျိုးသားပါတီ TNP နှင့် ဖြစ်ပွားနေသည့် ကိစ္စအား ပြေလည်အောင်ဖြေရှင်းပြီး နားလည်မှု ယုံကြည်မှုတည်ဆောက်နိုင်ရန် ကမ်းလှမ်း ထားသည်ဟု သိရသည်။

မိုင်းကိုင်မြို့နယ် တအာင်န်း(ပလောင်)အမျိုးသားပါတီ TNDP ဥက္ကဌ နှင့် ဒုတိယ ဉက္ကဌ အား  RCSS/SSA က ဂျွန် ၁၉ ရက်နေ့က ထိန်းသိမ်းလိုက်ကြောင်း၊ ဂျူလိုင် ၂၂ ရက် နှင့် ၂၄ ရက်နေ့ တွင် သီးခြားစီ ပြန်လည်လွတ်ပေးလိုက် ကြောင်း၊ ထို့အတူ ရှေ့ဆက်ပြဿနာများ မဖြစ်ပွားစေရန်နှင့် အေးအတူ ပူအမျှ ဒွန်တွဲနေထိုင်နိုင်ရေးအတွက် TNDP လူကြီးများ အား တွေ့ဆုံ ဆွေးနွေးရန် ဖိတ်ခေါ်ထားကြောင်း သျှမ်းပြည်တပ်မတော် RCSS/SSA ပြောခွင့်ရပုဂ္ဂိုလ် ဗိုလ်မှူးကြီးစိုင်းလှ ကပြောသည်။

“ ဒါက နားလည်မှုလွဲတာပါ။ ကျနော်တို့ ထိန်းချုပ်နယ်မြေထဲကို အကြောင်းမကြားဘဲလာ လို့လေ။ ဘယ်အဖွဲ့မဆို လာမယ်ဆိုရင် ကြိုအကြောင်းကြားရမယ်။ နောက်ထပ်မဖြစ် အောင် ပြဿနာတွေကို လက်တွဲဖြေရှင်းနိုင်အောင် ကျနော်တို့ ဌာနချုပ်မှာ တွေ့ဖို့ ဖိတ်ခေါ် ထားတယ်။ သူတို့လဲ ပါတီကိစ္စနဲ့ အလုပ်များနေသေးလို့ မလာနိုင်သေးတာ နေမှာ” - ဟု ပြောရေးဆိုခွင့် ရှိသူ ဗိုလ်မှူးကြီး စိုင်းလှ ကပြောသည်။

‘‘နှစ်ဖက်အကြား ဆွေးနွေးဖို့ ကျနော်တို့ကို ဖိတ် ထားတာရှိတယ်။ ဖြစ်ခဲ့တာနဲ့ပတ်သက်ပြီး ကျနော်တို့ ယုံကြည်မှုပြန် တည်ဆောက် ဖို့အ တွက် ဆွေးနွေးကြမှာ’’ ဟု တအာင်န်း (ပလောင်) အမျိုးသား ပါတီဗဟို တွဲဖက်အထွေထွေအ တွင်းရေးမှူး ဦးမိုင်းအုဏ်းခိုင်က 7Day News သို့ပြောသည်။

သျှမ်းပြည်တပ်မတော် RCSS/SSA သည် သျှမ်းပြည်သားများ တန်းတူညီမျှရေး ပေါ်လစီ ချမှတ်ထားကြောင်း၊ သျှမ်း ပြည်နယ်အတွင်း နေထိုင်သည့် တိုင်းရင်းသားလူမျိုးအားလုံး စည်းလုံးညီညွတ်သင့်ကြောင်း၊ စည်းလုံးညီညွတ်ရန် လည်း ရင်းရင်းနှီးနှီးဝင်ထွက်ဆက်ဆံရ မည်ဖြစ်ကြောင်း၊ မတူညီသည်များကို ဘေးဖယ်၍ တူညီ သည့်အချက်များအား လက်တွဲ အကောင်အထည်ဖေါ်သင့်ကြောင်း ဗိုလ်မှူးကြီး စိုင်းလှ ကပြောသည်။

ဒုတိယ ဗိုလ်ချုပ်ကြီး ယွက်စစ် ဦးဆောင်သည့် သျှမ်းပြည်တပ်မတော် RCSS/SSA သည် မြန်မာအစိုးရ နှင့် ပြည်ထောင်စု အဆင့်လက်မှတ်ရေးထိုးထားသည်။ လာမည့် ၂၀၁၅ ရွေးကောက်ပွဲတွင်လည်း မည်သည့်ပါတီ ဘက်မှ ရပ်တည်မှုပြုမည်မဟုတ်ဘဲ ကြားနေ အဖြစ် သာနေသွားမည်ဟု သျှမ်းသံတော်ဆင့်သို့ ဒုတိယ ဗိုလ်ချုပ်ကြီး ယွက်စစ်ကိုယ်တိုင် ပြောဆိုထားဖူးသည်။