ပြည်ထောင်စု တိုင်းရင်းသား လူငယ်ကိုယ်စားလှယ်များ၏ ပထမအကြိမ် ဖက်ဒရယ်အရေး နှင့် ငြိမ်းချမ်းရေး အရေး ဆိုင်ရာညီလာခံဖိတ်ကြားစာ

ပင်လုံစာချုပ်လက်မှတ်ရေးထိုးရာ သမိုင်းဝင်ပင်လုံကျောက်တိုင်ကွင်း၌ ကျင်းပမည့် ပြည်ထောင်စု တိုင်းရင်းသား လူငယ်ကိုယ်စားလှယ်များ၏ ပထမအကြိမ် ဖက်ဒရယ်အရေး နှင့် ငြိမ်းချမ်းရေး အရေး ဆိုင်ရာညီလာခံကြီး တက်ရောက်ရန် တိုင်းရင်းသားခေါင်းဆောင်ကြီးများအပြင် သျှမ်းပြည်နယ် ဝန်ကြီး ချုပ်အားလည်း လူငယ်ခေါင်းဆောင်များက ဂျူလိုင် ၂၂ ရက်နေ့တွင် သွားရောက် ဖိတ်ကြားခဲ့ ကြောင်း သိရသည် ။


အဆိုပါ ညီလာခံကို ဂျူလိုင်၂၇ မှ ၃၁ ရက်နေ့ထိ ၄ ရက်ကြာကျင်းပပြုလုပ်မည်ဖြစ်သည် ။


" သျှမ်းပြည်နယ်အစိုးရကိုဖိတ်တယ် ။ တက်ရောက်မိန့်ခွန်းချွေဖို့ ၀န်ကြီးချုပ်ကို သီးသန့်ဖိတ်တယ် ။ ဒါပေမယ့် တက်မယ်မတက်ဘူးဆိုတာ မသေချာသေးဘူး ။ တက်ဖို့သေချာတာကတော့ သျှမ်းပြည်နယ် အတွင်း တိုင်းရင်းသားရေးရာဝန်ကြီး ၇ ပါးလုံး က တက်ရောက်မယ်လို့ပြောတယ် "- ဟု လူငယ်ညီလာ ခံဖြစ်မြောက်ရေး ကော်မတီဝင် စိုင်းအောင်မြင့်ဦးကပြောသည် ။


အဆိုပါညီလာခံအား မြန်မာနိုင်ငံဒေသ အသီးသီးရှိ တိုင်းရင်းသား လူငယ် အင်အား ၆၀၀ နီးပါးတက် ရောက် မည်ဖြစ်ပြီး ညီလာခံ ဖွင့်ပွဲနေ့ အခမ်း အနားသို့ သျှမ်းပြည်နယ်အစိုးရအပြင် အမျိုးသား လွှတ် တော် ဒုတိယဥက္ကဌ ဦးအေးသာအောင် ၊ သျှမ်းတိုင်းရင်းသားများ ဒီမိုကရေစီအဖွဲ့ချုပ်  ဥက္ကဌ  ခွန်ထွန်းဦး နှင့် PNLO ပအိုဝ်းအမျိုးသားလွတ်မြောက်ရေးအဖွဲ့ချုပ် နာယက ခွန်ဥက္ကာ တို့ကိုလည်း ဖိတ်ကြားထားကြောင်း သိရသည် ။

လူငယ်ညီလာ ခံဖြစ်မြောက်ရေး  ကော်မတီဝင် စိုင်းအောင်မြင့်ဦး

“ ဖက်ဒရယ်အရေး နဲ့ ငြိမ်းချမ်းရေး ကို အဓိက ဦးတည်ထားပါတယ် ။ တန်းတူ အခွင့်အရေး ကိုယ်တိုင် ပြဌာန်းခွင့်ဆိုတဲ့ ကျနော်တို့ နိုင်ငံရဲ့ အခြေခံကျဆုံးပေါ့ ၊ နှစ်ပေါင်း ၆၀ ကျော် ဖြစ်လာတဲ့ နိုင်ငံရေး စစ်ရေးပြသနာတွေ ကြောင့် ကျနော်တို့လူထု အခံရဆုံးဘဲ ။ အဲ့ဒီအဖြစ်အပျက်အားလုံးရဲ့ အရင်း အမြစ် က ဖက်ဒရယ် ဖော်ဆောင် ရေး ပျက်ကွက်လို့ဖြစ်တယ် ။ ဖက်ဒရယ်အကြောင်းကို ကျနော်တို့က ကြိုတင် ပြင်ဆင်တဲ့အနေနဲ့ ပြီးတော့ နိုင်ငံတော်ကလည်း ဖက်ဒရယ်နိုင်ငံကို မသွားမဖြစ် ပြည်ထောင်စုက လုပ်မယ့် အခြေအနေဖြစ်နေတဲ့အတွက် ကျနော်တို့ လွန်ခဲ့တဲ့ ငါးနှစ်က စတင်ပြီးတော့ ပြင်ဆင်လာ တာဖြစ်တယ် ” ဟု စိုင်းအောင်မြင့်ဦးက ဆက်၍ပြောသည် ။


အဆိုပါ ပြည်ထောင်စုတိုင်းရင်းသားလူငယ်များညီလာခံတွင် ဖက်ဒရယ်အရေး နှင့် ငြိမ်းချမ်းရေး ကို အဓိက ဆွေးနွေးမည်ဖြစ်ပြီး တိုင်းရင်းသားဒေသတွင် ကြုံတွေ့နေရသည့် အခက်အခဲများ ယဉ်ကျေးမှု ဓလေ့ထုံတမ်းများ စသည်တို့ကို ညီလာခံတွင် စာတမ်းပြုစုကာ မှတ်တမ်းတင်သွားမည်ဟု တိုင်းရင်း သား ညီလာခံ ဖြစ်မြောက်ရေး ကော်မတီအဖွဲ့မှ ဘဏ္ဍာရေးနှင့် အထွေထွေတာဝန်ခံ စိုင်းအောင်မြင့်ဦး ကပြောသည် ။


“ လူငယ်တွေ နိုင်ငံရေးမှာ စိတ်ဝင်စားလာပြီး စုပေါင်းလှုပ်ရှားလာတာ ဝမ်းသာပါတယ် ။ ဒါပေမယ့် နားလည်ထား ရမှာက ၂၁ ရာစု ပင်လုံညီလာခံဆိုတာ ၁၉၄၇ ပင်လုံညီလာခံကို လွှမ်းမိုးသွား မယ် ဆိုရင် တော့ အကျိုးရှိမှာ မဟုတ်ဘူး ။ ၁၉၄၇ ပင်လုံကတိကို အကောင်အထည်ဖော်မယ့် ညီလာခံ ဖြစ်လာ ဖို့အတွက် စုပေါင်းကြိုးစား ရမယ် ။ ဒါမှ စစ်မှန်တဲ့ ပြည်ထောင်စုကို ထူထောင်နိုင်မယ်လို့ ပြောချင် ပါတယ် ” ဟု သျှမ်းတိုင်းရင်းသားများ ဒီမိုကရေစီအဖွဲ့ချုပ် ပြောရေးဆိုခွင့်ရှိသူ စိုင်းလိတ် ကပြောသည် ။


တိုင်းရင်းသား လူငယ်များ စုံညီပြီး စည်းစည်းလုံးလုံး နှင့် မိမိဒေသကို ဖော်ဆောင်ပြီး တက်ရောက်မည့် လူငယ် များအားလုံးသည် နောင်အနာဂတ်တွင် လူကြီးများ၏ ခြေရာဆက်ခံရန်အတွက် ပြည်ထောင်စု ၏ အနှစ်သာရကို ဖော်ဆောင်ရန်အတွက် ရည်ရွယ်ပြီး ကျင်းပပြုလုပ်ရခြင်းဖြစ်ကြောင်း စိုင်းအောင်မြင့်ဦး ကပြောသည် ။


ပင်လုံမြို့တွင်ကျင်းပမည့် မြန်မာနိုင်ငံလုံးဆိုင်ရာ တိုင်းရင်းသား လူငယ် ညီလာခံသည် တိုင်းရင်းသား အခြေပြုပြီး ပြုလုပ်သည့် ပထမဦးဆုံးသော ညီလာခံ ဖြစ်သကဲ့သို့ ပြည်ထောင်စု၏ အဓိကနှင့် အဇစ် အမြစ် ပင်လုံကို အခြေခံသော လူငယ်တိုင်းရင်းသားများ ဦးစီးဦးဆောင် ကျင်းပသော ညီလာခံဖြစ် ကြောင်းသိရပါသည် ။


မြန်မာနိုင်ငံလုံးဆိုင်ရာတိုင်းရင်းသားလူငယ်များအဖွဲ့ကို ၂၀၁၂ ခုနှစ်က စတင်ဖွဲ့စည်းခဲ့သည် ။ ထိုနောက်ပိုင်း ညီလာခံဖြစ်မြောက်ရေးအတွက် တွေ့ဆုံဆွေးနွေးမှုများ ၊ နှီးနှေားဖလှယ်ပွဲများ ကို အကြိမ်ကြိမ် ကျင်းပကာ ၂၀၁၄ ခုနှစ်အောက်တိုဘာလတွင် တိုင်းရင်းသားလူငယ်ကိုယ်စားလှယ်အဖွဲ့မှ ၃၈ ဦးပါဝင်သော ညီလာခံကြီးဖြစ်မြောက်ရေးကော်မတီ ဖွဲ့စည်းခဲ့ပါသည် ။